Սեպտեմբերի 5-ին Nokia ընկերությունը ներկայացրել է Windows Phone 8-ի հիմքի վրա աշխատող Lumia 920 մոդելը: Տվյալ մոդելը լիցքավորելու համար լար կիրառելն անհրաժեշտ չէ, այլ ուղղակի բավարար է միայն այն դնել հատուկ հարթության վրա:
Lumia 920-ում գործածված PureView տեխնոլոգիայի շնորհիվ ոչ բավարար լուսավորվածություն ունեցող տարածքում, առանց լուսավորումը միացնելու, հնարավոր է ստանալ շատ բարձր որակի պատկերներ: Կայունացման գործառույթի շնորհիվ հնարավոր է խուսափել նաև «տատանվող պատկերից»:
Սմարթֆոնում կիրառված է City Lens-ով լրացված բրաուզերը: Նավիգացիայի համար պատասխանատու են Nokia Maps, Nokia Drive և Nokia Transport ծրագրերը: Nokia Maps թույլ է տալիս քարտեզով աշխատել նույնիսկ առանց համացանցին միանալու:
Նոր սմարթֆոնը հագեցած է Snapdragon S4 պրոցեսորով` 1,5 գեգահերց արագությամբ:
Lumia 920-ի հետ միասին ընկերությունը թողարկել է նաև ավելի մատչելի Lumia 820 տարբերակը:
Սակայն երկուսի արժեքն էլ դեռևս հայտարարված չէ: Նրանում կիրառված է PureView տեխնոլոգիան և այն ևս կարող է լիցքավորվել անլար տարբերակով, միայն հատուկ հարթության վրա դնելու միջոցով:
