ԱՄՆ նախագահ Բարաք Օբաման, ի տարբերություն ընտրություններում իր մրցակից Միթ Ռոմնիի, հասկանում է միջին խավին և գիտի՝ ինչպես զարգացնել երկրի տնտեսությունը: Այս մասին երեքշաբթի երեկոյան հայտարարել է Սան Անտոնիո քաղաքի (Տեխաս նահանգ) քաղաքապետ Ջուլիան Կաստրոն՝ ելույթ ունենալով ԱՄՆ Դեմոկրատկան կուսակցության համագումարում:
«Ինչպես և ձեզնից շատերը, անցյալ շաբաթ ես նայում էին Հանրապետական կուսակցության համագումարը: Նրանք պատմեցին անձնական հաջողության մի քանի պատմություններ, մենք բոլորս ողջունում ենք անձնական հաջողությունը: Սակայն հարցն այն է, թե ինչպես բազմապատկել այդ հաջողությունը: Այդ հարցի պատասխանը ԱՄՆ նախագահ Բարաք Օբաման է»,- ասել է Կաստրոն:
Նա ծաղրել է Հանրապետական կուսակցության թեկնածու Միթ Ռոմնիին՝ հիշելով Օհայոյի ուսանողներին նրա տված խորհուրդը՝ բիզնես սկսել՝ պարտք վերցնելով ծնողներից:
«Նրանց տեսությունը ստուգվել է: Այն տապալվել է: Մեր տնտեսությունը տապալվել է: Դրա համար վճարել է միջին խավը: Դրա համար վճարել է ձեր ընտանիքը: Միթ Ռոմնին պարզապես դա չի հասկանում»,- հայտարարել է Կաստրոն:
Ընդգծելով, որ Օբամային երկիրը բաժին է ընկել խոր տնտեսական ճգնաժամում, Կաստրոն նշել է, որ նախագահը քիչ բան չի արել նախորդ 4 տարիների ընթացքում և քիչ բան չի անի վերընտրվելու դեպքում:
«ՄԵնք այժմ ունենք 4.5 մլն նոր աշխատատեղ: Նա (Օբաման) բոլորից լավ գիտի, որ առջևում դեռ դժվար աշխատանք է սպասվում: Սակայն մենք հաջողության ենք հասնում: Եվ անհրաժեշտ է ընտրություն կատարել մի երկրի միջև, որտեղ միջին խավն ավելի է վճարում, որպեսզի միլիոնատերերը կարողանան քիչ վճարել, և երկրի, որտեղ յուրաքանչյուրը արդարացիորեն է վճարում: Իմ և հաջորդ սերունդների համար ընտրությունն ակնհայտ է. դա այն մարդն է, որը միշտ ընտրել է մեզ: Դա այն մարդն է, որն արդեն մեր նախագահն է՝ Բարաք Օբաման»,- ընդգծել է Կաստրոն, որի խոսքերը մեջբերում է RIA Novosti-ն:
Կաստրոյին համագումարում բաժին է ընկել եզրափակիչ ելույթով հանդես գալու պատիվը: Այն քաղաքական գործիչները, որոնց վստահված է ելույթ ունենալ եզրափակիչ ելույթով և ներկայացնել թեկնածուին, արժանի են հատուկ վերաբերմունքի: Հաճախ այդ ելույթները բեկումնային են լինում նրանց կարիերայի համար: Այսպես՝ 2004 թ. համագումարում Դեմոկրատական կուսակցության առանցքային խոսանկը Բարաք Օբաման էր, որը 4 տարի անց դարձավ նախագահ:
