Անցած ամիս Քեթի Հոլմսից ամուսնալուծված Թոմ Կրուզը կանանց ուշադրության պակաս չի զգում: Միլիոնավոր կանայք երջանիկ են տեսնել նրան «միայնակների շուկայում»: Ներկայում հանրահայտ դերասանը իր հանգիստն է վայելում Խորվաթիայի Հվար կղզում:
Նա ընկերների հետ նավարկում է գեղատեսիլ վայրերով, լուսանկարվում խորվաթ գեղեցկուհիների հետ: Չնայած ընտանեկան անհարթություններին` նա երջանիկ տեսք ունի:
Հատկանշական է, որ խոր սթրեսից հետո Թոմը մշտապես հանգրվանում է Խորվաթիայում: Սա նրա երկրորդ այցելությունն է: Անցած անգամ նա Դուբրովնիկ էր այցելել 2004-ին՝ իսպանացի դերասանուհի Պենելոպե Քրուզի հետ հարաբերությունները խզելուց հետո:
Ենթադրվում է, որ Սայենթոլոգիա աղանդի հետևորդը կրոնական առաքելությամբ է Խորվաթիայում: Այնտեղ սայենթոլոգիական եկեղեցին որպես կրոնական համայնք գրանցվել է 2003 թվականին:
