Հորդանանի կառավարությունը միջազգային հանրությանը հղած իր ուղերձում կտրուկ բարձրացրել է օգնության գումարի չափը` 430 մլն-ից դարձնելով 700 մլն դոլար: Գումարն անհրաժեշտ է սիրիացի փախստականների օրեցօր ավելացող հոսքը վերահսկելու համար: Այս մասին հաղորդում է BBC-ն:
Ներկայում Հորդանանում է գտնվում շուրջ 180 հազար սիրիացի փախստական: Կառավարությունը մտավախություն ունի, որ մոտ ժամանակներս փախստականների թիվը կարող է հասնել 250 հազարի, ինչը սպառնալիքի տակ կարող է դնել երկրի էներգետիկ ռեսուրսներն ու խմելու ջրի պաշարները:
Սիրիայում Բաշար Ասադի կողմնակիցների և զինված ընդդիմության միջև բախումները շարունակվում են 2011-ի մարտից: Վերջին ամիսներին հակամարտությունըկտրուկ սրվել է: Տարբեր գնահատականներով` Սիրիայում զոհվել է 9-21 հազար մարդ:
