Ռամիլ Սաֆարովի վերադարձն Ադրբեջան Հունգարիայի և Ադրբեջանի հարաբերությունների հարց է, որը լուծվել է օրենքի շրջանակներում և չի հակասում միջազգային օրենքի նորմերին և սկզբունքներին: Այս մասին շաբաթ օրը հայտարարել է Ադրբեջանի ԱԳՆ ներկայացուցիչ Էլման Աբդուլաևը:
«Ինչ վերաբերում է հայկական կողմին, ապա Սարգսյանի հիստերիկ արտահայտությունները, ով այն խմբի ղեկավարներից մեկն է, որը հատուկ դաժանությամբ իրագործել է Խոջալուի ցեղասպանությունը, ոչ ավելին են, քան շոու և պոպուլիզմ »,- ասել է Աբդուլաևը:
Նա ևս մեկ անգամ նշել է, որ Ռամիլ Սաֆարովն Ադրբեջանի բանակի սպա է, և նրա վերադարձը չի հակասում ոչ մի օրենքի:
«Մենք չենք խրախուսում ահաբեկիչներին, ինչպես հայ ղեկավարները, և արդարացում չենք փնտրում նրանց համար»,- հավելել է նա:
