«Էկովախտա» շարժման ակտիվիստ Սուրեն Ղազարյանը ձերբակալվել է Կրասնոդարյան վարչական շրջանում: Այդ մասին հայտնել է «Խիմկինյան անտառի պաշտպանության համար» շարժման ղեկավար Եվգենյա Չիրիկովան:
Չիրիկովայի խոսքերով` Ղազարյանին ձերբակալել են, քանի որ նա ստուգում է իրականացրել այն տարածքում, որը ակտիվիստները համարում են Պուտինի առանձնատունը:
Ղազարյանի ձերբակալությունը կարող է կապված լինել այն բանի հետ, որ նա պատրաստվում է «Յաբլոկո» կուսակցությունից առաջադրվել որպես պատգամավորի թեկնածու Կրասնոդարի մարզում տեղի ունեցող ընտրությունների ժամանակ:
Հենզ Ղազարյանը հայտնել է, որ նրա հանդեպ ևս մեկ քրեական գործ է հարուցվել:
Բնապահպանի կարծիքով` նոր քրեական գործը հզոր գործիք է իր և իր ընկերների նկատմամբ ճնշում գործադրելու համար:
Միևնույն ժամանակ «Յաբլոկո» կուսակցության առաջնորդ Սերգեյ Միտրոխինը հայտարարել է, որ Ղազարյանի ձերբակալությունն անօրինական է, որովհետև նա օգոստոսի 25-ից հանդիսանում է Կրասնոդարի մարզի օրենսդիր մարմնի պատգամավորի թեկնածու:
Նրա խոսքերով` Ղազարյանին հնարավոր էր ձերբակալել միայն դատախազի որոշմամբ:
Նշենք, որ Սուրեն Ղազարյանի դեմ արդեն քրեական գործ է հարուցվել: Հունիսին նրան և Եվգենի Վիտիշկոյին դատապարտել էին երեք տարվա պայմանական ազատազրկման Կրասնոդարի նահանգապետ Ալեքսանդր Տկաչովի առանձնատան պարիսպներին արված գրությունների համար:
