Իրանական Fars News լրատվական գործակալության փոխանցմամբ՝ Իրանի նախագահ Մահմուդ Ահմադինեժադը հայտարարել է, որ թշնամիները, փորձելով խոչընդոտել մուսուլման երկրների զարգացմանը, դրանցում նախաձեռնում են էթնիկ, ցեղային ու կրոնական դիմակայություն.
«Վերլուծության ենթարկելով աշխարհում և մասնավորապես իսլամական երկրներում, ինչպիսիք են Բահրեյնը, Եմենը, Լիբիան, Սիրիան և անգամ Թուրքիան, տիրող իրավիճակը՝ կարելի է տեսնել, որ այդ երկրների բնակչության վրա բացասաբար են անդրադառնում գերիշխող երկրների նմանատիպ պլանները:
Անհրաժեշտ է ձեռնարկել այնպիսի միջոցներ, որոնք ունակ են արմատախիլ անել համամարդկային խնդիրները: Ներկայումս աշխարհում առաջացել է քաոսային իրավիճակ: Զենքի արտադրության վրա տարեկան ծախսվում է ավելի քան 1200 միլիարդ դոլար, որի հիմնական մասն արտահանվում է:
Եթե այդ զենքը պարզապես մնա զինանոցներում, ապա մեկ տարվա ընթացքում դրանք ամբողջությամբ կլցվեն: Սակայն այդ զենքը գործածվում է հանցավոր ու նվաճողական նպատակներով: Անհրաժեշտ է ստեղծել արդար աշխարհակարգ, որը կգլխավորեն արդար, բարձր բարոյականություն ունեցող անձինք:
Ներկայիս աշխարհը կուլիսների հետևից ղեկավարում են սիոնիստները, որոնց ձեռքերում են կենտրոնացած իշխանությունը, գումարը, քաղաքական գործիչների, բանկերի, ԶԼՄ-ների նկատմամբ վերահսկողությունը»:
