Ղրղզստանում դեռ չեն մարել կրքերը Ռուսաստանի վարչապետ Վլադիմիր Պուտինի անունով Տյան-Շան լեռնաշղթայի անանուն գագաթներից մեկը կոչելու առաջարկի շուրջ, հիմա էլ Ղրղզստանի խորհրդարանականներն առաջարկում են Պուտինին շնորհել այդ երկրի հերոսի կոչում: Այս մասին գրում է ղրղզական 24.kg գործակալությունը:
Պուտինին հերոսի կոչում շնորհելու առաջարկն արել է «Հայրենիք» խորհրդարանական ֆրակցիայի ղեկավար Կամչիբեկ Թաշիևը: Նա հայտարարել է, որ սխալ է Պուտինի անունով գագաթ կոչելը: Ավելի լավ է նրան հերոսի կոչում շնորհվի: «Դա ավելի լավ կլինի»,- ասել է նա:
Ինչ վերաբերում է «Պուտինի պիկին», ապա այս հարցը դեռ քննարկվում է խորհրդարանում: Դեմ է ընդդիմությունը, որը կարծում է, որ քաղաքական ողջ գործիչների անունով գագաթ կոչելը սխալ է:
