Հունական Crash ամսագիրը հուլիսյան իր համարում Գերմանիայի կանցլեր Անգելա Մերկելին պատկերել է Գուանտանամոյի բանտարկյալի տեսքով՝ կոչ անելով նրան դատարան ուղարկել հույների ցեղասպանության համար: Ինչպես հաղորդում է Handelsblatt-ը, պարբերականի շապիկին լրագրողները տեղադրել են կանցլերի լուսանկարըʽ նարնջագույն բանտային համազգեստով և ձեռնաշղթաներով:
Crash-ի հրատարակիչ Գիորգոս Տրանգասը փորձում է ամսագրի էջերից Մերկելին ուղարկել Հաագայի միջազգային քրեական դատարան՝ մարդկության դեմ հանցագործութան համար:
Մեղադրյալների աթոռին հունական պարբերականը ցանկանում է տեսնել ոչ միայն Մերկելին, այլև Գերմանիայի ֆինանսների նախարար Վոլֆգանգ Շոյբլեին, Արժույթի միջազգային հիմնադրամի տնօրեն Քրիստին Լագարդին, Եվրահանձնաժողովի ղեկավար Ժոզե Մանուել Բարոզուին և ԵՄ խորհրդի ղեկավար Հերման վան Ռոմպեյին:
«Մերկելը և նրա ընկերները չեն հավատում մարդկային կյանքի և ազգային արժանապատվության արժեքներին»,- գրում է Տրանգասը: Նրա կարծիքով՝ կանցլերը Գերմնաիան վերածել է «ժամանակակից համակենտրոնացման ճամբարի», որում հույները «նոր հրեաներն» են և մեկուսացման մեջ են հայտնվել:
Ավելի վաղ հույն լրագրողներն Մերկելին արդեն պատկերել էին ամենատարբեր ձևերով՝ նացիստական համազգեստով, արյուն խմող վամպիրի տեսքով և այլն:
