Ռուս իրավապաշտպաններն ԱՄՆ նախագահ Բարաք Օբամային խնդրել են հստակեցնել՝ արդյոք նրանք հանդես են գալիս որպես ԱՄՆ գործակալներ: Այս մասին հաղորդում է Interfax-ը:
Դիմումում, որը ստորագրել են Հելսինկյան խմբի մոսկովյան ճյուղը և «Հանուն մարդու իրավունքների» շարժումը, իրավապաշտպանները Վաշինգթոնից խնդրում են պատասխանել այն հարցին, թե արդյոք ԱՄՆ ազդում է ռուսական հասարակական կազմակերպությունների վրա:
«Մեր կազմակերպություններն իշխանությունների կողմից կարող են ընդգրկվել օտարերկրյա գործակալների ցուցակի մեջ, քանի որ նրանք ակտիվ մասնակցում են հասարակական կարծիքի ձևավորմանը»,- նշվում է դիմումում, որը ստորագրել է «Հանուն մարդու իրավունքների» առաջնորդ Լև Պոնոմարևը և Հելսինկյան խմբի մոսկովյան ճյուղի ղեկավար Լյուդմիլա Ալեքսեևնան:
Իրավապաշտպանները նշում են, որ իրենց կազմակերպություններն ամբողջությամբ աշխատում են ամերիկյան հիմնադրամներից ստացված դրամաշնորհներով, սակայն ԱՄՆ կառավարության քաղաքական կամքի քարոզիչը չեն:
Պոնոմարևը նաև հայտարարել է, որ բոյկոտի կենթարկի ոչ հասարակական կազմակերպությունների մասին օրենքը, որը ստիպում է, որպեսզի իր կազմակերպությունը արդարադատության նախարարությունում գրանցվի որպես «օտարերկրյա գործակալ»:
Հուլիսի 21-ին ՌԴ նախագահ Վլադիմիր Պուտինը «Եդինայա Ռոսիյա» խմբակցության նախաձեռնությամբ ներկայացված օրենք է ստորագրել, համաձայն որի՝ ՀԿ-ները պետք է գրանցվեն որպես «օտարերկրյա գործակալներ»`արտասահմանից ֆինանսավորում ստանալու պարագայում:
