Թուրքիայում տասնյակ տարիներ քննարկվում էր այն հարցը, թե արդյոք կարելի՞ է թույլատրել օտար լեզուներով հեռարձակումը երկրի տարածքում, և արդյոք դա չի՞ խաթարի երկրի ազգային անվտանգությունը: Այս մասին հայտնում է Anadolu գործակալությունը:
«Ռադիոյի և հեռուստատեսության և հեռարձակման մասին» օրինագիծը փոփոխվել է և ուժի մեջ մտել այն բանից հետո, երբ Թուրքիայի խորհրդարանը վավերացրել է այն:
Ըստ այսօր ընդունված օրենքի՝ այդ սահմանափակումը հանվել է: Թեպետ օտարերկրյացիները կարող են մասնաբաժին ունենալ հեռուստաընկերություններում, սակայն նրանց ձայների քանակը չի կարող որոշիչ լինել:
Սակայն միաժամանակ սահմանափակվել է ԶԼՄ-ների գործունեությունն այն առումով, որ թուրքական իշխանությունները ստացել են լրացուցիչ լծակ սահմանափակելու ԶԼՄ-ի գործունեությունն այն ժամանակ, երբ իրենք համարեն, որ դա վտանգում է Թուրքիայի Հանրապետության գոյությունը, անկախությունը և տարածքային ամբողջականությունը:
