РИА Новости-ի փոխանցմամբ՝ Իրանը 10 տոկոսով ավելացրել է ուրանի հարստացման համար ցենտրիֆուգների քանակը՝ դա հասցնելով մինչև 11,000-ի: Այս մասին Իրանի գերագույն ղեկավար ու հոգևոր առաջնորդ, այաթոլլահ Ալի Խամենեիի և այլ բարձրաստիճան անձանց հետ հանդիպման ժամանակ հայտարարել է Իրանի նախագահ Մահմուդ Ահմադինեժադը:
Վերջինիս խոսքերով՝ այդ 11,000 ցենտրիֆուգները ներկայումս ներգրավված են ուրանի հարստացման մեջ: Մայիսի վերջին ԱԷՄԳ-ը հայտարարել էր, որ Իրանում մինչև 20 տոկոս ուրանի հարստացման գործընթացում ներգրավված է 10,000 ցենտրիֆուգ, որոնցից 9330-ը բաժին է ընկել Նաթանզի օբյեկտին, իսկ 696-ը՝ Ֆորդոյի ստորգետնյա գործարանին: