Այս պահին շուրջ երկու տասնյակ քաղաքացիներ իրենց քննադատական խոսքն են ուղղում «Արմավիա» ավիափոխադրող ընկերությանը: «Ամոթ» վանկարկումներով քաղաքացիական հասարակության ակտիվիստներ Ապրես Զոհրաբյանը, Գոռ Հակոբյանը, Նվարդ Մանասյանը և ուրիշներ իրենց բողոքն են արտահայտում «Արմավիա» ավիաընկերության գնային քաղաքականության դեմ, որը ձևավորվել է մինչ այժմ տեղի ունեցող բախումների արդյունքում:
Ապրես Զոհրաբյանի պնդմամբ` «Արմավիա» ազգային ավիափոխադրող ընկերությունը բարձրացրել է Հալեպ-Երևան չվերթի տոմսի արժեքը` այն դեպքում, երբ այսօր սիրիահայերը խնդիր ունեն արագ վերադառնալ հայրենիք: Նա նաև ասաց, որ փորձել է ճշտել, թե գներն ինչքանով են բարձրացել: Նրա խոսքով` դրանք դարձել են մոտավորապես 200 և 225 հազար դրամ:
«Առաջին լրատվական»-ի հետ զրույցում «Արմավիա»-ի կողմից Հալեպ-Երևան չվերթի տոմսի թանկացումը խստագույնս դատապարտեց Նվարդ Մանասյանը:
Այս պահին Նալբանդյան փողոցի վրա գտնվող «Արմավիա» ավիաընկերության տոմսարկղի մոտ ակցիայի մասնակիցները «ամոթ» վանկարկումներով իրենց բողոքի ձայնն են բարձրացնում:
