Անդերս Բրեյվիկին ժամանակավորապես` 10 շաբաթով, «Իլա» բանտից տեղափոխել են խստացված ռեժիմով մեկ այլ բանտ` «Շիեն»: Նա «Իլա» բանտում էր գտնվում 2011 թվականի հուլիսի 26-ից: Այս մասին հաղորդում է Itar-Tass-ը` հղում անելով տեղի ԶԼՄ-ներին:
«Շիեն» բանտում նրա տրամադրության տակ կլինի 3 սենյակ` ննջասենյակ, մարզասրահ և աշխատասենյակ:
«Իլա» բանտի տնօրեն Կնուտ Բյարկեյդի խոսքով` նրա տեղափոխությունն իրականացվել է անվտանգության նկատառումներով, ինչը վաղուց էր ծրագրված:
Սպասվում է, որ ամբողջ տարին Բրեյվիկին պաշտպանած անձնակազմը նույնպես կփոխվի: Բացի այդ` այնտեղ, որտեղ նա պահվել է, ծրագրվում է վերանորոգել:
Հիշեցնենք, որ 2011-ի հուլիսի 22-ին Բրեյվիկի իրականացրած կրկնակի ահաբեկչության հետևանքով 77 մարդ զոհվեց: Նրա դեմ դատավճիռը կկայացվի օգոստոսի 24-ին:
