ԱՄՆ Դաշնային վերաքննիչ դատարանը խոստովանել է, որ եկեղեցում ավարտական միջոցառումներ անցկացրած Վիսկոնսինի երկու դպրոցները խախտել են ԱՄՆ սահմանադրությամբ ամրագրված եկեղեցու և պետության տարանջատման սկզբունքը: Այս մասին հաղորդում է Fox News-ը:
Հուլիսի 23-ին ընդունված դատարանի վճռում ասվում է, որ շրջանավարտները կրոնական ուղերձ են ստացել, որովեհետև եկեղեցում տեղադրված է մեծ խաչ: Սեպտեմբերին նույն դատարանի երեք դատավորների կոլեգիան այդ դպրոցի գործողություններում հակասահմանադրական ոչ մի բան չէր գտել, սակայն դատարանի ամբողջական կազմը նախկին որոշումը չեղյալ է համարել:
Ավարտական միջոցառումները տեղի են ունեցել Էլմբուրքի եկեղեցում՝ Վիսկոնսինի հարավ-արևելքում: Մի խումբ աշակերտների և ծնողների անունից հայց ներկայացրել էր «Միավորված ամերիկացիներ հանուն եկեղեցու և պետության տարանջատման» (Americans United for Separation of Church and State) կազմակերպությունը:
ԱՄՆ Սահմանադրության երկրորդ ուղղումը արգելում է պետությանն աջակցել որևէ կրոնական ուղղություն կամ որևէ կրոն սահմանել պետական:
