Google ինտերնետ հսկան առաջին կին օդաչուներից մեկի՝ Ամելիա Էրհարդի ծննդյան 115-ամյակի կապակցությամբ փոխել է իր դուդլը: Google-ի ավանդական տարբերանշանը փոխարինվել է Lockheed Vega մոդելի ոչ մեծ ինքնաթիռով, որով Էրհարդը առաջին անգամ միայնակ անցել է Ատլանտյան օվկիանոսը: Օդանավի ոտնակին կանգնած է կին օդաչուն, իսկ թևերին գրված է Google.
Ամելիա Էրհարթը ծնվել է 1887 թ. ԱՄՆ-ում: 1928 թ. նա դարձել է առաջին կինը, որը թռել է Ատլանտյան օվկիանոսի վրայով՝ որպես ուղևոր: Սակայն 1932 թ. մայիսին նա կատարել իր առաջին նվաճումներից մեկը՝ արդեն որպես օդաչու կտրելով Ատլանտյան օվկիանոսը: Դրանից հետո Էրհարդը դարձավ աշխարհի ամենահայտնի կին օդաչուն:
1937 թ. մայիսին Ամելիա Էրհարդը փորձեց շուրջերկրյա թռիչք իրականացնել Lockheed Electra ինքնաթիռով, սակայն հունիսին նրա հետ կապն ընդհատվեց, և սկսվեց իր ծավալներով աննախադեպ որոնողական գործողություն, որը սակայն անարդյունք ավարտվեց: Էրհարդին այդպես էլ չհաջողվեց գտնել, և 1939 թ. նա հայտարարվեց մահացած:
Հետազոտողներն առաջ են քաշում նրա մահվան մի քանի տարբերակ, որոնցից ոչ մեկը մինչ այժմ փաստացիորեն չի հաստատվել: Այնուամենայնիվ, էրհարդի ինքնաթիռի կործանման վայրը գտնելու աշխատանքները չեն դադարում:
