«Ազատ առևտրի հետ կապված հարցերի քննարկումները մենք չենք էլ սկսել: Եվրամիությունը անընդհատ ձգձգում է գործընթացը, մինչդեռ, մեր կարծիքով, մենք կատարել ենք 2008-ին ներկայացված բոլոր նախապայմանները: Ժամանակի ընթացքում Եվրամիության պահանջները որոշակիորեն փոխվել են, ինչը բարդացրել է դրանց իրագործումը»,- diploved.com-ին տված հարցազրույցում ասել է Վրաստանի փոխարտգործնախարար Թոռնիկե Գորդաձեն:
Փոխնախարարը նշել է, որ Եվրամիությունում ձգձգումը բացատրում են Ուկրաինայի հետ համանման աշխատանքի բացասական փորձով: Ուկրաինան նման բանակցություններ սկսել է 3 տարի առաջ, իսկ հաջողություններ դեռ չեն արձանագրվել, բայց վրաց փոխնախարարի կարծիքով, տվյալ դեպքում համեմատությունը Վրաստանի և Ուկրաինայի միջև արդարացված չէ:
«Վրաստանում մտավախություն կա, որ Եվրամիությունը Վրաստանի հետ ազատ առևտրի գոտու ստեղծման հարցը կապում է Ռուսաստանի` Առևտրի համաշխարհային կազմակերպությանը անդամակցության հետ, և հույս ունեմ, որ այդ մտավախությունները անհիմն են, քանի որ այդ դեպքում սա զուտ քաղաքական հարց է դառնում»,- ասել է Գորդաձեն: