Հյուսիսային Կորեայի առաջնորդ Կիմ Չեն Ինը մտադիր է տնտեսության ղեկավարումը Կորեայի ժողովրդական բանակից հանձնել իշխանության ձեռքը: Այս մասին հաղորդել է Փխենյանի և Պեկինի հետ սերտ կապեր ունեցող աղբյուրը: Նման եզրակացության հիմք է ծառայել Զինված ուժերի գլխավոր շտաբի ղեկավար Լի Էն Հոյի անսպասելի պաշտոնաթողությունը: Նշվում էր, որ նրա հեռացման պատճառը առողջական խնդիրներն են: Այս մասին հաղորդում է Reuters-ը:
Տեղեկություններ կան, որ փոխմարշալին իրականում պաշտոնից հեռացրել են տնտեսության վերահսկողությունը քաղաքացիական կառավարությանը հանձնելուն դեմ լինելու պատճառով:
Նրան փոխարինելու է եկել այդ ոլորտում փորձառություն չունեցող և առաջնորդի դինաստիայի ներկայացուցիչներից մեկի հետ ամուսնացած Չան Սոն Տեկը:
Անանուն աղբյուրի տեղեկացմամբ` ԿԺԴՀ-ում արդեն ստեղծվել է հատուկ հանձնաժողով, որը պետք է մշակի երկրի տնտեսությունը «խաղաղ ռելսերի» վերադարձնելու ծրագիր:
