Ֆրանսիայում չեղյալ են հայտարարվել Air France-ի ավելի քան 100 շրջանային չվերթներ ավիաընկերության աշխատակիցների գործադուլի պատճառով:
Ինչպես ITAR-TASS-ին հայտնել են ավիափոխադրողի մամլո ծառայությունում, «չվերթների չեղյալ հայտարարվելու մասին իրենց հաճախորդները նախազգուշացվել էին ինտերնետով կամ sms-հաղորդագրությամբ»:
Ավիաընկերությունում նկատել են, որ «իրավիճակը ֆրանսիական օդավանակայաններում հանգիստ է. ուղևորներին նստեցնում են այլ չվերթների ինքնաթիռներ»:
Հուլիսի 20-ին սկսված օդաչուների 4-օրյա գործադուլի պատճառը Air France-ի ղեկավարության հայտարարությունն է՝ մինչև 2015թ. ընկերության վերակազմավորման մասին, որի շրջանակում ավիափոխադրողը ծրագրում է բարելավել իր տնտեսական վիճակը: Ընկերության բիզնես-պլանի համաձայն` նախատեսվում է կրճատել 5000 աշխատատեղ: