ԱՄՆ նախագահ Բարաք Օբաման Բուլղարիայում տեղի ունեցած ահաբեկչությունից հետո ԱՄՆ-ի կողմից աջակցություն է հայտնել Իսրայելին:
«Ես ցանկանում եմ, որպեսզի բոլորն իմանան, որ իմ ղեկավարությամբ մենք ոչ միայն կպաշտպանենք Իսրայելի հետ անխափան կապերը, այլև դրանք կամրապնդենք»,- ասել է նախագահը, որի խոսքերը մեջբերում է Rosbalt գործակալությունը:
«Այժմ Մերձավոր Արևելքում իրավիճակը ծայրահեղ անորոշ է, ինչը պայմանավորած է Սիրիայում և այլ վայրերում տեղի ունեցող իրադարձություններով: Այժմ հենց այն պահն է, երբ մենք պետք է վստահ լինենք, որ անում ենք ամեն ինչ՝ Իսրայելի անվտանգությունն ապահովելու համար»,- ավելացրել է նա:
Հիշեցնենք. Բուրգասի օդանավակայանում հուլիսի 18-ին մահապարտ ահաբեկիչը պայթյուն էր իրականացրել իսրայելցի զբոսաշրջիկների շրջանում, որին զոհ էր գնացել 7, վիրավորվել՝ ավելի քան 30 մարդ:
