Նավթի համաշխարհային գները հուլիսի 19-ի տվյալներով` զգալիորեն բարձրացել են: Ինչպես տեղեկացնում է RBK-ն, դա տեղի է ունեցել Մերձավոր Արևելքում իրադարձությունների լարման ֆոնին` Սիրիայում հակամարտության սրման և Բուրգասում տեղի ունեցած ահաբեկչության հետևանքով:
Այսպիսով` Brent նավթի պաշտոնական գինը InterContinental Exchange Futures Europe էլեկտրոնային բորսայում աճել է 2,64 դոլարով` հասնելով մեկ բարելի դիմաց 107,80 դոլարի:
WTI (Light Sweet) նավթի պաշտոնական գինը Նյու Յորքի NYMEX բորսայում հուլիսի 19-ի տվյալներով` աճել է 2,79 դոլարով` մեկ բարելի դիմաց հասնելով 92,66 դոլարի:
Նշենք, որ նավթային շուկայում «ռալին» շարունակվում է 6 շրջան անընդմեջ` սկսած հուլիսի 11-ից: Այս ընթացքում Brent նավթի պաշտոնական գինը բարձրացել է 7,3%-ով, իսկ Light Sweet-ինը` 7,1%.-ով:
