Ռուսաստանի Դաշնության պետդումայի պատգամավոր, լիբերալ-դեմոկրատական կուսակցության անդամ Իվան Սուխարևը ոչ մի խախտում չի հայտնաբերել Արցախի ընտրատեղամասերում:
«Առաջին լրատվական»-ի հետ զրույցում ԼՂՀ նախագահի ընտրություններում այսօր դիտորդական առաքելություն իրականացրած Սուխարևը նշեց. «Ոչ մի տեղ մեր կողմից ոչ մի խախտում չարձանագրվեց, ամեն ինչ անցավ ընտրական օրենքին տառացիորեն համապատասխան»:
Միջազգային դիտորդներին զարմացրել է Արցախի բնակչության ցուցաբերած ակտիվությունն ընտրական գործընթացներին: «Ցուցաբերված բարձր մասնակցությունն ապացուցում է, որ մարդիկ ոգևորված են»,- ասաց Սուխարևը: Ըստ նրա` կարելի է երկրում շարունակել նախորդ նախագահի քաղաքականությունը, քանի որ դա նպաստել է Ղարաբաղի զարգացմանը:
«Այն, ինչ մենք տեսանք այստեղ, ապացուցում է, որ այստեղի ժողովուրդը վատ չի վերականգնվել այդ ավերիչ կոնֆլիկտից հետո»,- նշեց նա:
