Վթար Մյասնիկյան պողոտայում. «Լեքսուսները» բախվել են իրար` առաջացնելով հսկայական խցանում (լուսանկարներ)

Այսօր, հուլիսի 19-ին ավտովթար է տեղի ունեցել Երևանում: 

Ժամը 19:30-ի սահմաններում Երևանի Մյասնիկյան պողոտայում «Լեքսուս» մակնիշի 42 ԼԼ 002 համարանիշի ավտոմեքենայի վարորդ 34-ամյա Արամ Պետրոսյանը բախվել է մեկ այլ «Լեքսուս» մակնիշի 55 PO 556 համարանիշի ավտոմեքենային, որի վարորդը 34 ամյա Ռուբեն Ենոքյանն է: 

Ֆոտոլրագրող Գագիկ Շամշյանը դեպքի վայրից News.armeniatv.com-ին հայտնել է, որ վթարի հետևանքով բարեբախտաբար զոհեր և վիրավորներ չկան: 

Մինչ դեպքի վայր կժամանեին ճանապարհային ոստիկանության 1-ին սպայական գումարտակի, սպայական ջոկի աշխատակիցները Վահագն Հովհաննիսյանի գլխավորությամբ, դեպքի վայր էր ժամանել «Ինգո-Արմենիա» ապահովագրական ընկերության ներկայացուցիչը: 2 ժամից ավելի նշված վթարի պատճառով երթևեկությունը կաթվածահար էր եղել’ առաջացնելով խցանում, որի ծայրը չէր երևում: 

Հավաքվածները, տեսնելով, որ վթարված ավտոմեքենաները նույն մակնիշի էին, կատակում էին, թե, «հաստատ մեկը ընդդիմությունից է, մյուսը’ իշխանությունից»:

Լուսանկարները` Գագիկ Շամշյանի