Բրիտանացի դատավոր Քոլին Բիրսը Apple ընկերությանը պարտավորեցրել է apple.co.uk կայքում և տեղի պարբերականներում տեղադրել հայտարարություն այն մասին, որ Samsung Galaxy Tab պլանշետը չի կրկնում iPad-ի արտաքին տեսքը: Այս մասին հայտնում է Bloomberg-ը:
Այս միջոցառումն ուղղված է փոխելու բրիտանացիների թյուր պատկերացումներն այն մասին, որ Samsung-ը իր սարքը պատճենել է Apple-ի պլանշետից: Որոշումը կայացվել է հուլիսի 18-ին՝ լոնդոնյան դատարանում:
Galaxy Tab-ի մասին հաղորդագրությունը Apple-ի կայքում և պարբերականներում կհայտնվի առաջիկա վեց ամիսների ընթացքում:
Apple-ի իրավաբան Ռիչարդ Հեկոնի խոսքով՝դատարանի դիրքորոշումը փաստացի նշանակում է, որ Apple-ին պարտավորեցնում են սեփական կայքում հիշատակել մրցակցի անունը, այսինքն՝ զբաղվել Samsung-ի գովազդով:
Apple -ը բողոքարկման իրավունք ունի:
