«Իմ տրամադրությունը բարձր է, գոհ եմ իմ թիմակիցների կատարած աշխատանքից»,-այսօր Ստեփանակերտի թիվ 24 ընտրատեղամասում քվեարկությանը մասնակցելուց հետո ասաց Արցախի նախագահի թեկնածու Բակո Սահակյանը: Նա նշեց, որ իր քվեն տալիս է հանուն հզոր, անկախ և միասնական պետություն կառուցելու գաղափարի:
Հարցին, թե ընտրվելու դեպքում որն է լինելու իր առաջին աշխատանքը, Բակո Սահակյանը պատասխանեց. «Քանի որ իմ նախընտրական ծրագիրն այդպես էլ կոչվում է` շարունակենք սկսածը` հանուն Արցախի, ես փորձելու եմ իմ գործընկերների հետ շարունակել այդ աշխատանքը»:
Բակո Սահակյանը խոստացավ` հինգ տարի հետո ունենալու ենք բարեկեցիկ, բարգավաճ և գեղեցիկ Արցախ:
Անդրադառնալով նախընտրական քարոզարշավի ժամանակահատվածին` Բակո Սահակյանն ասաց. «Այս անգամ ևս Արցախի ժողովուրդը ցուցաբերեց բարձր գիտակցություն, քաղաքացիական պատասխանատվություն: Ցուցաբերած այդ կեցվածքն ապացուցում է, որ մեր ընտրած ուղին ճիշտ է, և նման ժողովրդի հետ մենք ի վիճակի ենք լինելու կառուցել ավելի զարգացած երկիր»: