Համակարգչային տեխնիկայի արտադրության ոլորտի համաշխարհային առաջատարներից մեկի` International Business Machines ընկերության մաքուր շահույթը 2012-ի առաջին վեց ամիսներին ավելացել է 6,5%-ով` հասնելով 6 մլրդ 948 մլն դոլարի: 2011-ի նույն ժամանակահատվածում ընկերության մաքուր շահույթը կազմել է 6 մլրդ 526 մլն դոլար: Այս մասին տեղեկացնում է RBK-ն:
Նշված ժամանակահատվածում ընկերության եկամուտը կազմել է 50 մլրդ 456 մլն դոլար, ինչը 1,6 տոկոսով ցածր է անցած տարվա ցուցանիշից` 51 միլիարդ 273 միլիոն դոլար: Տվյալները ներկայացված են կորպորացիայի ֆինանսական հաշվետվությունում:
Ընկերության մաքուր շահույթը 2012-ի երկրորդ եռամսյակում կազմել է 3 մլրդ 881 մլն դոլար, ինչը 5,9 տոկոսով բարձր է 2011-ի նույն ժամանակահատվածի ցուցանիշից` 3 մլրդ 664 մլն դոլար: 2012-ի երկրորդ եռամսյակի տվյալներով` IBM-ի եկամուտը նվազել է 3,3%-ով` հասնելով 25մլրդ 783 միլիոնի, մինչդեռ մեկ տարի առաջ ցուցանիշը կազմել է 26 միլիարդ 666 միլիոն դոլար:
2011-ի երկրորդ կիսամյակում IBM-ի շահույթը մեկ բաժնետոմսից կազմել է 3.34 դոլար`11 տոկոսով ավելի, քան դրանից մեկ տարի առաջ, երբ ցուցանիշը 3 դոլար էր:
IBM ընկերությունը հիմնադրվել է 1911 թ. հունիսի 16-ին: Աշխարհում ընկերության մասնաճյուղերում աշխատում է ավելի քան 399 հազար մարդ:
