Լոռու մարզի Լեռնապատ գյուղի որոշ բնակիչների շրջանում ավելի է ամրապնդվում «վերևների», հատկապես ՀՀ գլխավոր դատախազության Կոռուպցիայի և կազմակերպված հանցավորության դեմ պայքարի վարչության պետ Արմեն Աշրաֆյանի կողմից իրենց համայնքի գյուղապետ Վանո Եղիազարյանի նկատմամբ դրսևորվող հովանավորչությունը` կապված նրա դեմ հարուցված քրեական գործի հետ. Արմեն Աշրաֆյանի հարազատ քրոջ հուղարկավորությունը և հանգուցյալին վերջին հրաժեշտը Վանո Եղիազարյանը հենց գյուղապետարանից է կազմակերպել:
Հիշեցնենք, որ օրեր առաջ Լեռնապատի գյուղացիները ահազանգել էին «Առաջին լրատվականի» խմբագրություն և ասել, որ գյուղապետն ազդում է որոշ վկաների վրա և փոխել տալիս նախկինում իր դեմ տրված ցուցմունքները:
Ըստ քրեական գործով ձեռք բերված նյութերի` գյուղապետ Վանո Եղիազարյանը մոտ 11 միլիոնի յուրացում է արել, որից բաժին է հասել նաև Աշրաֆյանի ազգականներին:
