Իսպանացիները չեն վստահում երկրի բանկերին և իրենց միջոցները վերածում են ավանդների: 2012 թ. մայիսին ավանդների ծավալը նվազել է 5,75%-ով` տարեկան հաշվով 1,327 տրիլիոն եվրո, տեղեկացնում է «Վեստի էկանոմիկա»-ն:
Իսպանիայի ԿԲ-ի տվյալներով` ապրիլի համեմատ մայիսին ավանդները նվազել են 7,4 մլդ եվրոյով: Ավանդների մակարդակն իջնում է ավելի արագ, քան չմարված վարկերի չափը, որոնք տարեկան հաշվով մայիսին նվազել են 3,82% -ով:
Երկրի ֆինանսական համակարգը ծանրաբեռնված է «վատ» վարկերով` անշարժ գույքի հետ կապված, որը շարունակում է էժանանալ: Դա կրկնակի դժվարեցնում է իրավիճակը և կարող է հանգեցնել բանկային սեկտորի նոր կորուստների:
Ժամկետանց վարկերի ծավալը աճում է 14 ամիս անընդմեջ և հասնում է 155, 84 մլդ եվրոյի, որը կազմում է բացթողնված վարկերի 8,95%-ը: Իսպանիայի խնայողական բանկերը շատ խոցելի են դարձել անշարժ գույքի շուկայում:
Ըստ Հասարակական գործերի նախարարության և բնակարանային տնտեսության` մեկ քառակուսի մետրի միջին արժեքը երկրորդ եռամսյակում նվազել է 606,40 հազ եվրոյով, որը 8,3%-ով պակաս է, քան նախորդ տարում, և 2,5%-ով պակաս` առաջին եռամսյակից: R.R. de Acuna & Asociados-ի գործակալի կարծիքով` տարվա վերջում անշարժ գույքը կարող է էժանանալ 12-14%-ով:
