Երեկ` հուլիսի 17-ին Ախալքալաք-Բաթում մայրուղում, Բարդուբան գյուղի մոտ տեղի ունեցած խոշոր ավտովթարի հետևանքով զոհվածների մեջ կան հայեր: Մարդատար մեքենայի հետ բախման հետևանքով «Օպել» մակնիշի ուղևորատար միկրոավտոբուսն այրվել է, ինչի հետևանքով հինգ ուղևոր և վարորդը մահացել են։
Ինչպես «Առաջին լրատվական»-ին հայտնեց Հայաստանի ԱԳՆ մամլո խոսնակ Տիգրան Բալայանը` ՀՀ ԱԳՆ-ին Վրաստանի իշխանությունների կողմից տրամադրած տեղեկությունների համաձայն զոհվածներից երեքը հայեր են, որոնք Վարաստանի քաղաքացիներ են:
Զոհվել են 30-ամյա Նաիրա Թումասյանը, 27-ամյա Զինավոր Ֆյոդորովը և 4-ամյա Զիմա Ֆյոդորովը:
Նշենք, որ առայժմ հայտնի է, որ միկրոավտոբուսը եղել է ներքին երթուղու, և ուղևորները զբոսաշրջիկներ չեն եղել։ Այդ երթուղով Ջավախքից քաղաքացիները ուղևորվում են դեպի Աջարիա՝ Բաթում:
