Իրանական Mehr News լրատվական գործակալության փոխանցմամբ՝ Իրանում ստեղծվել է պետական կարգավորման մարմինների խորհուրդ: Այն ստեղծվել է դատական համակարգի ղեկավարների համաձայնությամբ և ներառում է դատական, գործադիր և օրենսդիր իշխանությունների 2-ական պատասխանատու ներկայացուցիչ: Խորհուրդը ստեղծվել է երկրի Սահմանադրության պահանջներին համապատասխան:
Խորհրդի ստեղծման նպատակը պետական կարգավորման և երկրի ղեկավարման ուժեղացման ոլորտում համագործակցության կոորդինացիան է: Խորհրդի կազմում ներառված են խորհրդարանի փոխխոսնակը, ռազմական պլանավորման ու վերահսկման գծով փոխնախագահը, Գերագույն վարչական դատարանի ղեկավարը, հետախուզության ղեկավարը, հաշվիչ պալատի ղեկավարը, ներքին գործերի նախարարը:
Խորհրդի ղեկավարն ու նրա տեղակալն ընտրվում են ամեն տարի՝ Խորհրդի անդամների քվեարկության միջոցով: