Նոր հետազոտության արդյունքում պարզվել է, որ Youtube-ը հանդես է գալիս որպես լրատվական հզոր պլատֆորմ, որի օգնությանը համացանցի օգտատերերը դիմում են՝ դիտելու կարևոր իրադարձությունների և աղետների վերաբերյալ ականատեսների տեսանյութերը:
Associated Press-ը հաղորդում է, որ Pew հետազոտական կենտրոնի Project for Excellence in Journalism –ը երկուշաբթի հրապարակել է իրենց 15 ամիս տևեած ուսումնասիրությունը Google ընկերությանը պատկանող կայքում ամենաշատ ժողովրդականություն վայելող տեսանյութերի վերաբեյալ: Պարզվել է, որ տեսանյութերի փոխանակման կայքը զարգանում է որպես թվային միջավայր, որտեղ արհեստավարժ լրագրությունը գոյություն ունի քաղաքացիական բովանդակության հետ մեկտեղ:
Կենտրոնի ներկայացուցիչ Էմի Միտչելն ասել է, որ այս պլատֆորմում նոր տեսակի վիդեո-լրագրություն կա: Դա լրագրության մի տեսակ է, որում լրատվական գործակալությունների և քաղաքացիների միջև հարաբերություններն ավելի դինամիկ են, քան մյուս բոլոր պլատֆորմներում:
