Սիրիական ճգնաժամի կարգավորման հարցը դառնալու է ՄԱԿ-ի գլխավոր քարտուղար Պան Գի Մունի և չինական ղեկավարության քննարկման գլխավոր թեման:
Ինչպես հաղորդել է ՄԱԿ-ի գլխավոր քարտուղարի ներկայացուցիչ Մարտին Նեսիրկին` պաշտոնապես Պան Գի Մունը Պեկին է ժամանել երկուշաբթի` Չինաստան-Աֆրիկա վեհաժողովին մասնակցելու նպատակով: Այցի ընթացքում նախատեսված են նրա հանդիպումները Չինաստանի նախագահ Հու Ցզինտաոյի և մի շարք այլ բարձրաստիճան պաշտոնյաների հետ, որոնց ընթացքում քննարկվելու է սիրիական հարցը:
Նշենք, որ օրեր առաջ Պան Գի Մունը և ՄԱԿ-ի հատուկ բանագնաց Քոֆի Անանը Անվտանգության խորհրդին կոչ են արել սպառնալ Սիրիայի իշխանություններին և ընդդիմության հետ բախումները շարունակելու դեպքում համապատասխան արձագանք տալ:
Նման հայտարարության պատճառը Տրեմսեհ քաղաքում տեղի ունեցած մարդկանց սպանդն է:
