Լոս Անջելեսում արդեն բոլորն են ճանաչում հանրահայտ սև արջին, որը շարունակ հայտնվում է քաղաքի ծայրամասերի փողոցներում, սնունդ գտնելու նպատակով ուսումնասիրում աղբամանները: Իշխանությունների հանձնարարականով կենդանուն հանգստացնող են ներարկել և տեղափոխել անտառ: Glendale News Press-ի փոխանցմամբ՝ արջի տեղափոխությամբ ավարտվել են ակտիվ քննարկումներն այն մասին՝ կենդանուն թույլ տա՞ն թափառել փողոցներում, թե՞ էֆթանազիայի ենթարկեն:
Գլենդելում, որտեղ Հայաստանից դուրս հայերի ամենամեծ համայնքն է, արջին անվանել են «Գլեն Բերյան» (Glendale Bear+ian):
Միայն անցած շաբաթ Գլեն Բերյանը քաղաքի փողոցներում էր հայտնվել շուրջ 5 անգամ, ամենաակտիվը եղել է կիրակի առավոտյան: The Los Angeles Times-ի փոխանցմամբ՝ կենդանուն տեղափոխել էին 25 մղոն հեռու՝ դեպի Լոս Անջելեսի Ազգային պարկ, սակայն արջը կարողացել էր վերադառնալ քաղաք:
Տեղի բնակիչ, 29-ամյա Սառա Աուերոն նույնիսկ Twitter-ում արջի կերակրման նախաձեռնություն էր ստեղծել: Նա կոչ էր արել համաքաղաքացիներին վերամշակել աղբը, որպեսզի արջը հեշտությամբ սնունդ հայթայթի:
Կալիֆորնիայի ձկնորսության և զվաճանքի դեպարտամենտի փոխանցմամբ՝ վայրի կենդանիներին կերակրելն օրենքով արգելված է: