Ծնողներն անընդհատ բողոքում են, որ բարդ է դեռահասներին ստիպել մաքրել իրենց սենյակաները: Բայց այժմ արդեն գոյություն ունի հավելված, որը կօգնի այդ հարցում` ծնողներին և դեռահասներին սովորեցնելով բանակցելու ունակություներ, որոնք նրանք կարող են օգտագործել ընտանեկան վեճերը հարթելու համար:
The Daily Mail-ը գրում է, որ ‘Close My Deal’ հավելվածը ծնողներին ներկայացնում է եղանակներ, որոնք նրանք կարող են օգտագործել իրենց երեխաների հետ խոսելիս, ինչպես նաև դեռահասներին խորհուրդներ է տալիս` փոխզիջման գնալու համար:
Հավելվածը ներկայացնում է տարբեր դրվագներ, որոնք կարող են վեճի պատճառ դառնալ և պահանջում է օգտատերից ընտրել պատասխաններից մեկը, որի միջոցով հնարավոր կլինի լուծել խնդիրը: Այնուհետև պատասխանը գնահատվում է և առաջարկվում է խորհուրդ բանակցելու ունակությունը բարելավելու համար:
Հավելվածը ստեղծել է 52-ամյա Քլիվ Ռիչը, ով ասում է, որ համառ դեռահասի հետ բանակցելը նույնքան բարդ է, որքան դատարանում հաղթանակ տանելը:
