Եգիպտոսը մտադիր չէ արգելել իրանական նավթի տեղափոխումը Սուեզի ջրանցքով և իր խողովակներով այն բանից հետո, երբ ուժի մեջ է մտել ԵՄ երկրների իրանական նավթի բեռնարգելքի մասին որոշումը: Այս մասին հայտնել է եգիպտական ալ-Ահրամ թերթը:
«Բեռնարգելքը վերաբերում է միայն ԵՄ անդամ երկրներին, մենք ոչ մի կապ չունենք դրա հետ»,- թերթին հայտնել է էներգետիկայի բնագավառի աղբյուրը:
Թերթի տվյալներով` իրանական նավթը շարունակում է ներմուծվել SUMED ընկերության խողովակով, որը Սուեզի ջրանցքը կապում է Միջերկրական ծովին:
Իրանական նավթի խոշոր սպառողներից մեկը Թուրքիան է: Ինչպես գրել է թերթը, մայիս ամսին Եգիպտոսով Թուրիքա է հասել օրական 160 բարել նավթ:
Ավելի վաղ մի շարք ԶԼՄ-ներ հայտարարել էին, որ իրանական նավթի ներմուծումը Թուրքիա կկրճատվի բեռնարգելքի պատճառով:
Նշենք, որ Իրանն օրական 3.5 միլիոն բարել նավթ է արտադրում, որից 2.5 միլիոնն արտահանվում է:
