ԱՄՆ քաղաքական վերնախավն անհանգստացած է այն տեղեկություններից, որ ԱՄՆ նախկին պետքարտուղար Քոնդոլիզա Ռայսը հանրապետական Միթ Ռոմնիի՝ նախագահ դառնալու դեպքում փոխնախագահի պաշտոնի ամենահավանական թեկնածուներից մեկն է: Ինչպես հաղորդում է MIGnews-ը, այդպիսի տեղեկություն է տարածել Drudge Report-ը:
Ըստ այդ տեղեկության՝ Ռոմնին ուսումնասիրում է փոխնախագահի թեկնածուների ցուցակը և պատրաստվում է իր ընտրության մասին հայտնել առաջիկա շաբաթ: Պարբերականը գրում է, որ Ռայսն այդ ցուցակում լավագույն թեկնածուն է:
Հաղորդվում է, որ Իսրայել կատարած այցի ընթացքում Ռայսը հանդիպել է իր իսրայելցի մի քանի ընկերների հետ: Նրանցից մեկը, որն իր անունը չի ցանկացել հայտնել, Haatetz-ին հայտնել է, որ Ռայսն իրեն ասել է, որ չի պատրաստվում առաջադրվել փոխնախագահի պաշտոնում:
«Ես քաղաքականություն վերադառնալու ոչ մի ցանկություն չունեմ»,- հայտարարել է նա:
Հիշեցնենք, որ Ռայսը վերադարձել է Սթենֆորդի համալսարան՝ ակադեմիական գործունեության:
