Haber Türk-ի փոխանցմամբ՝ Թուրքիայի Librairie de Pera ամենահին գրատունը վաճառքի է հանելու 150-ամյա հնություն ունեցող հայատառ քրդերենով մի ավետարան: Այս մասին հայտարարել է գրատան սեփականատեր Ուղուր Գյուրաջարը:
Վերջինիս խոսքերով՝ 1857 թվականի այդ ավետարանը վաճառքի է հանվելու 2500 թուրքական լիրայով (մոտ 1400 դոլար): Նա հիշեցրել է, որ մոտ 150 տարի առաջ բողոքական միսիոներները հրատարակել են հայատառ քրդերենով ավետարաններ՝ նախատեսված քրդական հոծ բնակչություն ունեցող շրջաններում բնակվող հայերի համար, որոնք թեև քրիստոնյա էին, սակայն հայերենից ավելի լավ հաղորդակցվում էին քրդերենով:
