Թուրքիան և Վրաստանը շարունակում են բանակցությունները երկու երկրների տարածքում կրոնական կառույցների կառուցման և վերանորոգման հարցի շուրջ, տեղեկացնում է Грузия-online-ը:
«Մենք ընդհանուր պատմություն ունենք: Մեր տարածքում գտնվող եկեղեցիները Թուրքիայի պատմական արժեք են, և մենք կիրականացնենք անհրաժեշտ աշխատանքներ` դրանք վերականգնելու համար: Նույնը վերաբերում է նաև Վրաստանի տարածքում գտնվող մզկիթներին», ասել է Ահմեդ Դավութօղլուն իր վրացի գործընկեր Գրիգոլ Վաշաձեի հետ հանդիպումից հետո:
Իր հերթին, Վաշաձեն շեշտել է, որ այս խնդրի շուրջ բանակցությունները պետք է վաղուց սկսված լինեին, իսկ մզկիթներն ու եկեղեցիները` վերականգնված: Նա ասել է, որ ներկայումս շարունակվում են բանակցությունները, և կոնկրետ արդյունքների մասին երկու երկրների հասարակությունները կտեղեկացվեն:
