Աստղագետները հայտնաբերել են Պլուտոնի նոր՝ թվով 5-րդ արբանյակը: Հայտնագործությունն արվել է Hubble աստղադիտակով: Այս մասին հաղորդում է RBK-ն:
Պլուտոնի նոր արբանյակն իրենից ներկայացնում է տիեզերական մարմին՝ 10-25 կմ տրամագծով: Արբանյակը ստացել է P5 ժամանակվոր անվանումը:
Գիտնականները ենթադրում են, որ P5 արբանյակը կօգնի Պլուտոնի մոլորակային համակարգի ձևավորման հանելուկի բացատրման գործին: Վարկածներից մեկի համաձայն՝ Պլուտոնի արբանյակները կարող էին ձևավորվել մոլորակի և անհայտ տիեզերական մարմնի հետ բախման հետևանքով, որը ենթադրաբար տեղի է ունեցել միլիարդավոր տարիներ առաջ:
Պլուտոնի 4-րդ արբանյակը հայտնաբերվել է 2011-ին: Այն ստացել է P4 ժամանակավոր անվանումը:
Հիշեցնենք, որ Պլուտոնը աստղագետների կողմից բացահայտված (1930 թ.) արեգակնային համակարգի վերջին մոլորակն է: 2006 թվականին իր փոքր չափերի համար Պլուտոնը զրկվել է «մոլորակի» կարգավիճակից: Պաշտոնական աստղագիտական հրատարակություններում այն հայտնի է որպես «գաճաճ մոլորակ»: Պլուտոնի խոշորագույն արբանյակը՝ Հարոնը, հայտնաբերվել է 1978 թվականին:
Սպասվում է, որ 2015 թվականին գործակալության «New Horizon» արբանյակը կգործուղվի Պլուտոն:
