Այսօր իրենց տոնն են նշում աշխարհում ամենառոմատիկ մասնագիտություններից մեկի ներկայացուցիչները`քաղաքացիական ավիացիայի ուղեկցորդները:
Calend-ը հաղորդում է, որ այս մասնագիտությունը արդեն 80 տարվա կյանք ունի: Ենթադրվում է, որ այն առաջացել է Գերմանիայում 1928 թվականին, երբ սկսեցին ինքնաթիռներում հայտնվել մարդիկ, ում պատասխանատվությունն էր ապահովել ծառայությունների մատուցումը թռիչքի ընթացքում: Նախկինում դրանով զբաղվում էր ինքնաթիռի երկրորդ օդաչուն, ինչը բավական վտանգավոր էր թռիչքի համար:
Սկզբում ուղեկցորդներ էին միայն տղամարդիկ, ովքեր հիմնականում թանկարժեք ռեստորանների նախկին մատուցողներ էին: Բայց արդեն 1930 թվականին ԱՄՆ-ում սկսվեց միտում այդ աշխատանքի համար ընդունել հմայիչ աղջիկների, ինչը պետք է նպաստեր նաև ավիաընկերության գովազդին: Գեղեցիկ սեռի ներկայացուցիչները ևս մեկ առավելություն ունեին` նրանք ունեին ավելի թեթև քաշ, ինչը շատ կարևոր էր այդ ժամանակ գործող ինքնաթիռների համար:
Ավիացիայի պատմության մեջ առաջին ուղեկցորդուհին եղել է Էլեն Չերչը Սան Ֆրանցիսկոյից: Նրա առաջին թռիչքը եղել է 1930 թվականի մայիսի 15-ին:
