Իրանական Mehr News լրատվական գործակալության փոխանցմամբ՝ Իրանի գերագույն ղեկավար ու հոգևոր առաջնորդ, այաթոլլահ Ալի Խամենեին «Կանայք և իսլամական զարթոնքը» միջազգային կոնֆերանսի ժամանակ հայտարարել է, որ արդեն 32 տարի է, ինչ գերտերությունները թշնամանքի մեջ են Իրանի հետ, և արդեն 30 տարի է, ինչ նրանք Իրանին «պատվաստում» են պատժամիջոցների դեմ.
«Պատժամիջոցներն արդեն իսկ չեն կարող վնասել Իրանին: Վերջին անգամ արևմտյան երկրները, խստացնելով պատժամիջոցները, Իրանի շուրջ իրարանցում են ստեղծել: Սակայն նրանք չեն հասկանում, որ արդեն 30 տարի է, ինչ իրենք «պատվաստում» են պատժամիջոցների դեմ: Ներկայիս Իրանը 100 անգամ ավելի ուժեղ է 30 տարի առաջվա Իրանից:
Եթե իսլամական զարթոնքի ալիքը շարունակվի, ապա դա մեծ փոփոխություններ կառաջացնի աշխարհում, և սիոնիստներն ու նրանց աջակցող երկրները ստիպված կլինեն հանգիստ թողնել մուսուլմաններին»:
