50 տարի առաջ The Rolling Stones-ի առաջին համերգի առթիվ Լոնդոնում բացվում է ֆոտոցուցահանդես: Անձամբ երաժիշտներն այնտեղ կայցելեն հուլիսի 12-ին (հենց այդ օրն էլ կոլեկտիվը կնշի հոբելյանը), հանրության առջև այն իր դռները կբացի հաջորդ օրը: Ցուցադրությունը կտևի մինչև օգոստոսի 27-ը:
Ցուցահանդեսում, որը կանցկացվի Somerset House-ում, կներկայացվեն լուսանկարներ, որոնք արվել են The Rolling Stones-ի ելույթների, ինչպես նաև ֆոտոսեսիաների ժամանակ: Լուսանկարները թվագրվում են տարբեր տարիների և ներկայացնում խմբի կյանքի տարբեր շրջանները:
The Rolling Stones-ի առաջին համերգը 1960 թվականի հուլիսի 12-ին էր: Խմբի դեբյուտային համանուն ձայնասկավառակը թողարկվել է 1964 թվականին և երաժշտական հիթ-շքերթում զբաղեցրել առաջին հորիզոնականը: Խմբի մասնակիցները կոլեկտիվի պաշտոնական ծննդյան օրը համարում են ոչ թե 1962, այլ 1963 թվականը, երբ խմբին է միացել թմբկահար Չարլի Ուոթսը:
Ինչպես տեղեկացնում է Lenta.ru-ն,խումբը չի ծրագրում հոբելյանը նշել զանգվածային համերգային շրջագայությամբ: Սպասվում է, որ կոլեկտիվը կսահմանափակվի ԱՄՆ-ում և Եվրոպայում մի քանի ելույթներով: Այդ համերգներին կներկայացվի խմբի թարմացված տարբերանշանը:
