Грузия Online-ի փոխանցմամբ՝ երեկ գիշեր երկօրյա այցով Վրաստան է ժամանել ԵԱՀԿ-ի գլխավոր քարտուղար Լամբերտո Զանիերը: Վերջինիս վրացական այցը տեղի է ունենում նրա հարավկովկասյան շրջագայության շրջանակներում:
Զանիերը Թբիլիսի է ժամանել Բաքվից, ապա այստեղից կուղևորվի Երևան: Վրաստանում Զանիերը հանդիպումներ է ունենալու Վրաստանի նախագահ Միխեիլ Սաակաշվիլիի, խորհրդարանի նախագահ Դավիթ Բաքրաձեի, քաղաքական կուսակցությունների առաջնորդների և քաղաքացիական սեկտորի ներկայացուցիչների հետ:
Բացի այդ, նա հանդիպելու է Վրաստանի արտգործնախարար Գրիգոլ Վաշաձեի հետ: Զանիերն իր հանդիպումների հիմնական մասն անցկացնելու է Բաթումում, ուր և տեղի է ունենում ԵՄ-ի գործընկերության կոնֆերանսը:
