Ժնևի կոնֆերանսի որոշումները «կարևոր են Սիրիայում քաղաքական գործընթաց սկսելու համար»: Այս մասին այսօր Դամասկոսում տեղի ունեցած հանդիպմանը փաստել են Սիրիայի նախագահ Բաշար Ալ-Ասադը և ՄԱԿ-ի ու ԱՊԼ-ի հատուկ բանագնաց Քոֆի Անանը:
Ինչպես հաղորդում է ITAR-TASS-ը, նրանց կարծիքով՝ հունիսի 30-ին Ժնևում ձեռք բերված պայմանավորվածությունները «դրական մթնոլորտ են ստեղծում միջսիրիական երկխոսության համար»:
Ակնկալվում է, որ մոտ ժամերին տեղի կունենա մամուլի ասուլիս, որում Անանը գնահատական կտա Սիրաիյի նախագահ հետ բանակցություններին:
Իրանական IRNA լրատվական գործակալությունը հայտնում է, որ Դամասկոսից Անանը ուղևորվել է Թեհրան: Ավելի վաղ Անանը հայտարարել էր, որ Իրանը պետք է մասնակցի Սիրիայի ճգնաժամի կարգավորմանը:
