Հորդանանում հեռուստաբանավեճը վերածվել է քաոսի, երբ Հորդանանի խորհրդարանի զայրացած պատգամավորը հրազենն ուղղել է բանավիճողի կողմը: Քաղաքական գործիչ Մոհամադ Շավաբկան հեռուստատեսային հանդիպման է եղել քաղաքական ակտիվիստ Մանսուր Սաիֆ Ալ-Դին Մուրադի հետ` Jo Sat մասնավոր արբանյակային հեռուստաալիքում` քննարկելու Հորդանանի քաղաքականությունը: Այնուհետև նրանք սկսել են միմյանց մեղադրել տարբեր հանցանքների մեջ:
SKY NEWS-ի տարածած տեսագրությունում երևում է, թե ինչպես է ակտիվիստը պատգամավորին Մոսադի գործակալ անվանել, ինչին ի պատասխան` վերջինս որակվել է որպես մեծ ավազակ: Քաղաքական գործիչն այնուհետև վեր է կացել ու սկսել բղավել ակտիվիստի վրա: Հաղորդավարը նրանց խնդրել է հանդարտվել, սակայն ապարդյուն:
Պատգամավորը հանել է կոշիկն ու շպրտել մրցակցի ուղղությամբ, որից հետո նրա վրա պահել արծաթագույն ատրճանակը:
Հաղորդումն ավարտվել է նրանց ձեռնամարտով:
