Հունաստանը կկատարի ԵՄ-ի և ԱՄՀ-ի վարկատուների վարկային համաձայնագիրը, սակայն կպահանջի մի շարք փոփոխություններ, ուրբաթ օրը հայտարարել է երկրի վարչապետ Անտոնիս Սամարասը, գրում է Ria Novosti-ն:
«Մենք ծրագրում փոփոխություններ ենք պահանջում, հատկապես այն ասպեկտներում, որոնք կխորացնեն անկումը և դա անում ենք հենց նրա համար, որպեսզի իրականացնենք ծրագրի նպատակները»,- հայտարարել է Սամարասը` իր կառավարության ծրագրային հայտարարություններով ելույթ ունենալով խորհրդարանում:
«Պետք է փոխարինել բոլոր այն միջոցառումները, որոնք հանգեցնում են պետական և մասնավոր սեկտորում աշխատանքից հեռացմանը»,-հայտարարել է վարչապետը՝ մատնանշելով անգործության ռեկորդային ցուցանշը:
Ինչպես սպասվում է, Հունաստանի խորհրդարանը կիրակի լույս երկուշաբթի գիշերը կքվեարկի խորհրդարանի վստահության հարցը: Կոալիցիոն կառավարության մեջ մտնում են աջակենտրոն «Նոր ժողովրդավարություն» կուսակցությունը`Սամարասի գլխավորությամբ, ձախակենտրոն ՊԱՍՕԿ շարժումը և ԴԻՄԱՐ ձախ կուսակցությունը: 300 տեղանոց խորհրդարանում երեք կուսակցությունները միասին ունեն 179 տեղ:
