Ամերիկյան Ալբուկերկ քաղաքի բնակիչ Լորի Ն.-ն համացանցային աճուրդում վաճառքի է հանել իր «մի քիչ օգտագործած» հոգին: Ինչպես հաղորդում է MIGnews-ը` առաջնային գումարը կազմում է 2 հազար դոլար: Կնոջ խոքերով` ինքը նման քայլի է դիմել ոչ թե ուշադրություն գրավելու, այլ օգնություն գտնելու համար:
Հինգ տարի առաջ կինը ավտովթարի է ենթարկվել, որի հետևանքով երեք շաբաթ նա կոմայի մեջ է եղել: Կոմայից դուրս գալով` հասկացել է, որ կաթվածահար է եղել: Բացի այդ՝ կոտրվել էր նրա ազդրը, կոնքը, ոտքը, կողոսկրերը, կրծոսկրը, ծանր վնասվել էր թոքը: Բժիշկները նույնիսկ ստիպված են եղել հեռացնել նրա մի կուրծքը:
Հիմա կինը չի կարողանում լիարժեք աշխատել:
«Ես հնարավորություն եմ տալիս փրկելու իմ հոգին: Գնորդը սերտիֆիկատ կստանա, որտեղ մանրամասնորեն նկարագրված կլինեն իմ հոգու բոլոր սև ու սպիտակ բծերը»,- ասել է նա:
Ներկա դրությամբ պոտենցիալ գնորդներ չկան, սակայն արտասովոր հայտարարությունն արդեն բազմաթիվ դիտումներ է հավաքել, ինչը հուսադրում է կնոջը:
