Ինչպես հաղորդում է Anadolu գոծակալությունը, քաթարական Al-Jazeera հեռուստաընկերությունը Թուրքիայում գնել է հեռուստաալիք: Ըստ գործակալության` լուրը հաստատել են Թուրքիայի կառավարության աղբյուրները:
Հայտնի է դարձել, որ Al-Jazeera-ն գնում է Cine5 TV հեռուստաալիքը, որը գտնվում էր պետական հաշվեկշռում և կառավարվում էր պետության կողմից: Գործարքի գինը կազմել է $40.5 մլն: Գործակալության փոխանցմամբ, Al-Jazeera-ն Cine5 TV-ի համար առաջարկել էր $21 մլն, սակայն պետությունը չէր համաձայնել:
Հիշեցնենք, որ Քաթարում տեղակայված Al-Jazeera հեռուստաընկերությունն աշխարհի ամենահայտնի հեռուստաընկերություններից է: Այն համեմատաբար նոր է ստեղծվել, սակայն կարողացել է գտնել իր կայուն հեռուստալսարանը հատկապես Մերձավոր Արևելքում:
Իսկ Եգիպտոսում տեղի ունեցող զարգացումները ամենալավը լուսաբանելու համար հեռուստաընկերությունը սկսել է ավելի մեծ ժողովրդականություն վայելել, և հիմա շատ հեռուստակորպորացիաներ իրենց փաթեթները վաճառելիս նրանցում ընդգրկում են նաև Al-Jazeera հեռուստաալիքը: