Կարլսրուեի բնակիչը պատանդներ է վերցրել այն բանից հետո, երբ հրաժարվել է դատարանի որոշմամբ ազատել բնակարանը,- հաղորդում է dpa-ն: Նրա պաատնդներն են ադարձել դաատկան կատարածուն ու ևս մի քանի մարդ:
Հուլիսի 4-ի առավոտյան ոստիկանությունը գործողություն է սկսել նրան ձերբակալելու համար: Հաղորդվում է, որ տանը կրակոցներ են հնչել: Իրավապահների խոսքերով՝ զոհվել է առնվազն մեկ մարդ: Նախնական տվյալներով՝ մի քանի մարդ վիրավորվել է:
Ըստ KA-News-ի տեղեկությունների՝ տղամարդը պատանդ է վերցրել 3 մարդու՝ դատական կատարածուին, նոր սեփականատիրոջը և դռան կողպեքը բացած փականագործին: Պարբերականը գրում է, որ, ամենայն հավանականությամբ, հանցագործը կրակ է բացել՝ հենց որ դուռը բացվել է: Թե կոնկրետ ով է դարձել զոհը, և այժմ տանը քանի մարդ կա՝ առայժմ հստակ հայտնի չէ:
Իրավապահները նշում են, որ մինչ այժմ չի հաջողվել կապ հաստատել հանցագործի հետ: Տան շրջակա տարածքը շրջափակված է: Գործողությանը մասնակցում են հատուկ նշանակության ջոկատները:
