Վրաստանի սահմանամերձ Բագրատաշեն համայնքում բնակչության թիվը կրճատվել է 200-ով, իսկ դպրոցականների թիվը նվազել է գրեթե կիսով չափ: Համայնքապետ Արկադի Մակյանը «ժողովուրդ»- ին հայտնել է, որ 2000թ.-ին գյուղում բնակվել է 3500 մարդ, իսկ այժմ բնակչության թիվը 3300 է:
«Վերջին 12 տարում համայնքի դպրոցականների թիվը նվազել է 102 աշակերտով: Այժմ համայնքի 2 դպրոցներում սովորում է շուրջ 395 սան նախկին 497-ի փոխարեն: Հարցին, թե ինչ առաջընթաց կա համայնքում, Մակյանը պատասխանեց, «Ինչպես բոլոր գյուղերում, բնակչությունն արտագաղթում Է: Խայտառակություն է, այս տարի արդեն 80-90 ջահել գնացել են արտագնա աշխատանքի, իսկ երեք ընտանիք տեղափոխվել են այլ երկիր՝մշտական բնակության»»:
